कपिलवस्तु जिल्लाको पर्यटकीय स्थल सगरहवामा लुम्बिनी विकास कोषले विभिन्न संस्थाहरुको साझेदारीमा २३ चैत्रबाट गर्न लागेको कपिलवस्तु राष्ट्रिय मुर्तिकला कार्यशाला हेरिटेज प्रभाव मुल्यांकन प्रतिवेदन नआई सकेका कारण केही दिन पर सरेको छ ।

हिजो कार्यशाला संयोजक कपिलवस्तु नगरपालिका मेयर सुदिप पौडेल र लुम्बिनी विकास कोषका कोषाध्यक्ष सिद्धिचरण भटराई, कोषका पुरातत्व महाशाखा प्रमुख हिमाल उप्रेति सहित मुर्तिकारहरुको टोलीले स्थलगत तयारीको पनि अवलोकन गरयो ।

अवलोकन पश्चात ढुंगा व्यवस्थापनको पुर्णता र बिद्युत व्यवस्थापन हुन बांकी रहेको, मुर्तिकारहरुले ढुंगाको थ्रिडि तस्वीर प्राप्त गरे पश्चात मात्र बनाउने मुर्तिको म्याकेट पठाउने  प्राविधिक काममा ढिला समेत भएकोले केही दिन समय सार्नुपर्ने अवस्था आएको हो ।

विज्ञ समुहको राय सुझाव अनुसार ढुंगा सेटलमेण्ट २३ चैत्रमा, थ्रिडि तस्वीर सगरहवाको एतिहासिक तथ्य सम्बन्धी मुर्तिकारहरुलाई प्रदान गरी अध्ययन गर्ने समय चैत्र ३० सम्म,  विसं २०८० वैशाख ४ गते मुर्तिकार विज्ञ समुह, बौद्ध धर्मगुरु, बिश्व बिद्यालयका सम्बन्धीत बिषयका प्रोफेसर सहितको भर्चुअल कार्यशाला, यस पश्चात बैशाख १० गते भित्र मुर्तिकारहरु संग सगरहवाको बौद्धकालिन कथामा आधारित म्याकेट प्रदान गर्ने र वैशाख १२ देखि १५ गते भित्र म्याकेट फाइनल गरी छनौट भएको मुर्तिकार संग संझौत ागर्ने कार्यसुचि तय भएको छ ।

त्यसपछि मात्र मुर्तिकला कार्यशाला आरम्भ गर्ने मिति तय हुने छ । यस विचमा हेरिटेज प्रभाव मुल्याकन प्रतिवेदनको निष्कर्ष पनि आउने हुँदा यो कार्यतालिका तय गरिएको छ ।

कार्यतालिकामा भएको हेरफेरले साझेदार र सहयोगी संस्थाहरु प्रति पर्न गएको असुविधा प्रति क्षमा चाहन्छौ ।